ถ้าเลือกจะเดินจากไป จะสนทำไมกับทางที่ผ่านมา
ป๋าอ้ายให้ตายส่ำหมา มื้อวิวาห์สิมาผูกแขน
เจ้าเลือกเขาแล้ว เซาใช้สาน้อคำว่าแฟน
เมื่อเจ้าให้เขามาแทน อ้ายสิบ่แค้นบ่เคียดดอกนาง
ส่งสุดทางส่ำนี้เด้อหล่า เลิกกันสาให้เจ้าโชคดี
อย่าห่วงอ้ายผู้ชายคนนี้ ให้สุขขีกับเขาเด้อนาง
มาเด้อขวัญเอ้ย ให้ขวัญมาอยู่นำเขา
สุขขีเด้อเจ้า อยู่ดีมีแฮงเด้อหล่า
ฮ้ายกวาดหนีดีกวาดใส่ ลบเรื่องราวที่เคยผ่านมา
เอิ้นขวัญสั่งลา ความสุขนี้จงมีแก่เจ้า
ศรีศีร มื้อนี้เป็นมื้อสันวันดี วันดิถีอมุตโชค
โจกนี้แม่นโจกไม้จันทร์ ขันนี้แม่นขันไม้แก้ว
ตกแต่งแล้วจั่งยกยอมา ให้เจ้าถือยอดทอง
ถือกระบองดอกยอดเพชร เฮ็ดอันใดให้สำเร็จ
อย่าได้มีเวรต้อง ให้เจ้าสองเฮียงข้าง ฮักกันดอกมั่นแก่น
อย่าสุเพแตกม้าง คือฮักดอกสองเฮา
ให้เจ้าครองคู่สม พรหมลิขิตจงมาช่วย
ฉันว่าผัวเมียนี้กูมึงอย่าได้ว่า ให้สุขขีเด้อหล่า
ว่ามาเย้อ ขวัญเอ้ย
ส่งสุดทางส่ำนี้เด้อหล่า เลิกกันสาให้เจ้าโชคดี
อย่าห่วงอ้ายผู้ชายคนนี้ ให้สุขขีกับเขาเด้อนาง
มาเด้อขวัญเอ้ย ให้ขวัญมาอยู่นำเขา
สุขขีเด้อเจ้า อยู่ดีมีแฮงเด้อหล่า
ฮ้ายกวาดหนีดีกวาดใส่ ลบเรื่องราวที่เคยผ่านมา
เอิ้นขวัญสั่งลา ความสุขนี้จงมีแก่เจ้า
มาเด้อขวัญเอ้ย ให้ขวัญมาอยู่นำเขา
สุขขีเด้อเจ้า อยู่ดีมีแฮงเด้อหล่า
ฮ้ายกวาดหนีดีกวาดใส่ ลบเรื่องราวที่เคยผ่านมา
เอิ้นขวัญสั่งลา ความสุขนี้จงมีแก่เจ้า
เอิ้นขวัญสั่งลา ความสุขนี้จงมีแก่เจ้า